- Новости
Новости
«Сөйле менің жүрегім»
Бүгін қалалық орталық кітапханада поэзия әлемінде өзіндік орыны бар шығыс ақыны, Жазушылар одағының мүшесі Серік Ғабдуллаұлының шығармашылығына арналған «Сөйле менің жүрегім» атты поэзия сағаты өтті. Шараға жас ақындар мен ақынның өнерін құрметтейтін оқырман қауым өкілдері келді. Өлеңдері оқылып, шығармашылығына талқылау жасалды. Серік Ғабдуллаұлы 1998 жылы өзі ірге тасын қалап кеткен «Шабыт» ақындар мектебінің түлектері бүгінде ел көлеміне танымал, республикалық сайыстар жүлдегерлері. Қаламгердің ізбасарлары поэзия атты тылсым дүниенің кілтін ұстаған Серік Ғабдуллин ағаның жырларынан шабыт алатындықтарын да сөз етті.
«Тілі бұлдыр халықтың - болашағы бұлыңғыр»
2017 жылы 22 қыркүйек күні, сағат 14-00-де №7 кітапхана бөлімшесінде (Бажов көшесі 343/3) «Тілі бұлдыр халықтың - болашағы бұлыңғыр» атты ток шоу өтті. Ток шоуға № 27 Орта мектептің 9 сынып оқушылары қатысты. Ток шоу да қазақ тілі туралы ойлары айтып, тіл тынысын танытатын роликтер көріліп, шұрайлы тілдің шұғылалы бедері мақал – мәтелдер айтумен жалғасты.
«Рухани жаңғыру жəне тіл саясаты»
Өскемен қаласы əкімдігінің «О. Бөкей атындағы орталықтандырылған кітапханалар жүйесі» КММ қызметкерлері Елбасы бағдарламасының аясында көшпелі кітап көрмесін ұйымдастырып, іс-шаралар өткізуде. №1 кітапхана бөлімшесінде жəне Өлкетану бөлімінің қызметкерлері № 45 мектепте болып, Тілдер мерекесіне қатысып қайтты. «Рухани жаңғыру жəне тіл саясаты» тақырыбында баяндама жасалып, викториналық сұрақтар ойнатылды.
«Тіл қуаты – бірлікте»
Бүгін Оралхан Бөкей атындағы орталық қалалық кітапханада С. Аманжолов атындағы ШҚМУ-дың фиология факультетінің студенттері Қазақстан халықтарының тілдері күніне орай мерекелік бағдарлама өткізді. Елбасының «Болашаққа бағдар: рухани жаңғыру» атты мақаласы жастарды жарқын болашаққа жетелейтін бағдарлама. Жалынды жастар бағдарлама ауқымында айтылған «тіл үйрену, қабілетті болу, ел үшін тер төгу» деген Елбасы ұсынысын қолдай отырып, өз өнерлерімен ел болашағының дамуына үн қосатындықтарын айқындады. Кездесуде әсем әндер айтылып, күмбірлі күй тартылды. Әсіресе, бірінші курс студенттері қызыққ толы кеш болды.
«Латынға оралу-заман талабы»
Орталық қалалық кітапханада Елбасының «Болашаққа бағдар: рухани жаңғыру» бағдарламасы аясында «Латынға оралу-заман талабы» атты дөңгелек үстел өтті. Басты мақсат латын қарпіне көшу заман талабы, елдік мүдде екенін қауымға жеткізу болды. Шара барысында оқырман қауым ойларын ортаға салып, латын қарпіне көшу туралы жазылған мақалалар тізбегімен танысты. Газет беттері мен сайттарда жарық көрген зиялы қауым өкілдері мен саяси тұлғалардың пікрілерін оқып ой бөлісті. Ел болып латынға көшуде жастар жағы белсенді екендігін баса айтты. Шара соңында жас ақын Естай Жаңабаев алғаш рет латын қарпінде жазған өлеңін оқырман қауымға ұсынды. Дөңгелек үстелге С. Аманжолов атындағы ШҚМУ студенттері және зиялы қауым өкілдері мен «Шабыт» клубы мүшелері қатысты. Кездесуге жиналған қауым латынға көшуде Елбасымен, елмен тілегі бір екендігін байқатты.