Менің Отаным - Қазақстан

Өскемен қаласы әкімдігі «Абай атындағы  №33 орта мектебі»  КММ

Дайындаған: Мектепалды даярлық  сынып тәрбиешісі: Болатхан Нұргүл .

Білім беру саласы: «Таным, қатынас»

Тақырыбы: Менің Отаным - Қазақстан.

Мақсаты: Балаларды Отан сүйгіштікке баулу, өз еліне, жеріне деген патриоттық сезімін ояту арқылы егеменді еліміздің ертеңі иелерін рәміздер туралы мәлімет бере отырып тәрбиелеу.

Дамытушылық: Балалардың сөздік қорын молайту, байланыстыра сөйлеуді қалыптастыра отырып , арналған тақпақ, мақалдарды жатқа айтқызуға үйрету.

Тәрбиелік: Есте сақтау қабілетін дамытып, көңіл - күйлерін көтеру.

Методикалық әдіс - тәсілдер: Әңгімелеу, көрсету, түсіндіру, сурет бойынша, әңгіме құрастыру, сұрақ - жауап.

Көрнекілігі: Елбасымыз Нұрсұлтан Назарбаевтың суреті, рәміздер бейнесі, Қазақстан картасы, дидактикалық материал

Іс-әрекет кезеңдері: Қонақ : Сәлеметсіңдер ме, балалар!  Мен сонау  Англиядан саяхаттап жүрмін.  Қазақстан мемлекеті жайлы танысып білгім келеді.

Тәрбиешінің іс-әрекеті: Сәлеметсіз бе,  отырыңыз,  қане, балалар, қонағымызды отанымызбен  таныстырайық .

Тәрбиешінің іс-әрекеті: Балалар, біздің еліміз, Отанымыз қалай аталады?                                            Баланың іс-әрекеті: – Қазақстан Республикасы.

Тәрбиешінің іс-әрекеті: «Отан» деген сөзді қалай түсінесіңдер?

Баланың іс-әрекеті: - Әр адамның өз Отаны болады.

- Отан – ол біздің туған жеріміз, тұратын жеріміз, отбасымыз.

- Отан – біздің атамекеніміз.

- Отан біздің табиғатымыз, айналамызды қоршаған орта.

- Біздің еліміз өте бай, өте әдемі.

- Біздің Отанымыз – Қазақстан! Әңгімелеу

Тәрбиешінің іс-әрекеті:  - Дұрыс, балалар. Біздің Отанымыз – Қазақстан! Ол Еуразия деп аталатын құрлықта орналасқан. Оның табиғаты алуан түрлі. Оның байтақ жерінде тау да, төбелер мен жазықтар орман, өзен-көл, теңіз және алуан түрлі пайдалы қазбаларға өте бай. Әлемде Қазақстан Республикасында дүниеге келген адам осы мемлекеттің азаматы болып саналады. Қазақстанда тұратын әрбір азамат өз Отаны туралы білуі керек. Халықтың ортақ үйі – Отан. Отан туралы қандай мақал- мәтел білеміз кім айтады?

Баланың іс-әрекеті:                                                                                                       Отан елдің анасы,

Ел ердің анасы.                                                                                                                     Отан қадіріне жетпеген өз қадіріне жетпейді. Отан от басынан басталады.

Отан оттан да ыстық,

жалыны бар шоқтан да ыстық.

Отансыз адам — ормансыз бұлбұл.                                                                             Отансыздың оты жанбайды.

Отан үшін еңбек етсең,

халқыңның сүйген ұлы боласың.

Отан үшін күрес — ерге тиген үлес.

Отан үшін отқа түс — күймейсің,

Арың үшін алыссаң — өлмейсің.

Тәрбиешінің іс-әрекеті: -Мынау -біздің еліміздің картасы. Біз қай қалада тұрамыз?

Баланың іс-әрекеті:  Біз  Шығыс Қазақстан  аумағында тұрамыз .

Тәрбиешінің іс-әрекеті:  Қазақстан Республикасының  Елбасы кім? Баланың іс-әрекеті:  Елбасымыз Нұрсұлтан Әбішұлы Назарбаев Тәрбиешінің іс-әрекеті:  Елбасы туралы  кім айтып береді ?                          Баланың іс-әрекеті: Елбасымыз  еңбек  жолын қарапайым  жұмысшыдан бастаған,  Нұрсұлтан   Назарбаев  жақсы оқуға , білімді болуға  ұмтылған.  Үлкендерді құрметтеп, өте    белсенді,  ізденімпаз   болған. Осындай еңбекқорлығымен көптеген қиындықтарды  жеңіп , мемлекетіміздің  басшысына дейін көтерілді.                                                                                      Тәрбиешінің іс-әрекеті: Еліміздің рәміздерін атаңдаршы?                               Баланың іс-әрекеті:  Ту, Елтаңба, Әнұран.                                                       Тәрбиешінің іс-әрекеті: Дұрыс, мемлекеттің рәміздеріне: елтаңба, ту, әнұран жатады.Осы рәміздер туралы жеке түсінік берейін. Мынау - Қазақстан Республикасының туы. Тудың түсі аспанның түсіне ұқсайды – көк, ортасында күн шуағы. Астында қыран құс ұшып келе жатыр. Қазақстанда тұратын барлық халықтардың өмірі күндей жарқырап, қырандай самғай берсін деген ұғым. Қазақстан Республикасының Мемлекеттік туының авторы: суретші Шәкен Ниязбеков.

Қазақстан Республикасының Мемлекеттік елтаңбасы. Елтаңбаның орталық элементі – шаңырақ. Шаңырақ бастауы – отбасы ошағын бейнелейді. Қанатты тұлпар – мәңгілік өмір, болашақ үміт артар жас ұрпақтың арманы, самғау биігі. Елтаңба төбесінде бес бұрышты жұлдыз бар. Әр адамның өмірінде жол көрсетер өз жұлдызы болады. Мемлекеттің де осындай жұлдызы болуы керек. Елтаңбаның төменгі жағында «Қазақстан» деген жазу бар. Қазақстан Республикасының Мемлекеттік елтаңбасының авторлары сәулетшілер: Шота Уалиханов пен Жандарбек Мәлибеков.                                           Ал Қазақстан Республикасының Мемлекеттік әнұранының сөзін жазғандар: Жұмекен Нәжімеденов, Нұрсұлтан Назарбаев, әнін жазған Шәмші Қалдаяқов. Кім осы рәміздер жайында толықтырып тақпақтар айтып береді?

Баланың іс-әрекеті:

Біздің ту».                                                                                                        Айнымайды аспаннан                                                                                                 Біздің тудың бояуы,                                                                                                        Оны халық қашанда                                                                                                       Биікке іліп қояды

«Елтаңба»                                                                                                                                Елтанбасы елімнің                                                                                                         Неткен әйбат, әдемі.                                                                                         Тұнығындай көңілдің                                                                                                      Ортада аспан әлемі!                                                                                                          Құт, береке шаңырақ                                                                                                         Орын алған ол төрден.                                                                                                Қанатты қос арғымақ                                                                                                         Екі жақтан көмкерген.

«Әнұран»                                                                                                                      Әнұраны елімнің                                                                                                    Шақырады бірлікке.                                                                                                 Егеменді халқымның                                                                                                 Болашағы бірлікте.                                                                                              Тәрбиешінің іс-әрекеті: Біздің бас қаламыз – Астана.                                                                                       Астана – жас қала.

Онда түрлі әсем ғимараттар бой көтерген.                                                       «Бәйтерек» - Астананың символы .

Сергіту сәті: (Музыка әуенмен  жүріледі )«Көк тудың желбірегені» әні ойналады.

Рефлекция:                                                                                                          Дидактикалық ойын: «Өз еліңнің рәміздерін  тауып ал»

Тәрбиешінің іс-әрекеті: Жақсы балалар, енді  3-тапсырмамыз шығармашылық жұмыстарға арналады. Олар:

1.сурет салу

2. ту ,елтаңба  бояу

3. Қазақстан картасын құрау

4.констуктурмен өз қаласы құрастыру

Тәрбиешінің іс-әрекеті: -Кәне, балалар, тапсырманы орындап болсақ әр топтан бір бала шығып,  жасаған жұмыстарыңды  қорғап беріңдер.                                                                            -Олай болса, балалар, орнымыздан тұрып  мемлекеттік ән ұраннымызды орындайық .

-Қонағымызға отанымызбен таныстыра алдық па?

-Балалар, бүгінгі сабақ ұнады ма ?

Балалардың жауабы тыңдалады

.

Администрация сайта не несет ответственности за содержание статьи.