1. Skip to Menu
  2. Skip to Content
  3. Skip to Footer>

Языковые курсы

Достар, барлық жақсылық сіздер үшін! Оралхан Бөкей атындағы орталық қалалық кітапханада компьютерде жұмыс істеуге машықтандыру курстарына, шетел тілдерін үйрету курстарына, шығармашылық шеберханасына және түрлі бағыттағы клубтарға қатысуға шақырамыз! Сіздер үшін бәрі ТЕГІН:
- ағылшын тілінде ауызекі сөйлеуге үйрету курстары. Әр аптаның сейсенбі, бейсенбі, сенбі күндері, сағат 17.00. Тел: (87081064381, 8(7232) 25-17-79;
- француз тілі, әр аптаның сәрсенбі, жұма күндері, сағат 16.00. (87770626358, 8(7232) 251770);
- иврит (еврей) тілі, әр аптаның бейсенбісі күні, сағат 16.00 ( 87776214457, 8(7232) 251770); Друзья! Приглашаем вас на БЕСПЛАТНЫЕ языковые курсы:
- английский разговорный для взрослых: среда, пятница в 17.00. +7(708)1064381, 8(7232) 25-17-79;
- французский для начинающих: среда, пятницам в 16.00. +7(777)0626358, 8(7232) 251770;
- иврит для всех:  каждый четверг в 10.00, +7(777)6214457,  8(7232) 251770.  


Подробнее...

БуМАГИЯ

2019 жылы, қазанның 1-жұлдызынан бастап Оралхан Бөкей атындағы орталық қалалық кітапханада (Е.П.Славский атындағы Ертіс жағалауы, 22) «БуМАГИЯ» шығармашылық шеберханасы өз жұмысын бастайды. Егер қағаздың «сиқырлы қасиеттерін» білгілеріңіз келсе, шеберханаға келіңіздер! Дарынды шебермен бірге PAPERKRAFT қағазымен көңіліңіз қалаған бейнелерді жасап, керемет қызықтарға куә боласыздар! Сонымен, Сіздерді әр аптаның демалыс күндері сағат 16:00-де шеберханамызда күтеміз! С 1 октября 2019г. в Центральной городской библиотеке имени Оралхана Бокея (Наб. Иртыша им. Е.П.Славского, 22) начинает работу творческая мастерская «БуМАГИЯ». Если вы хотите освоить необычные техники работы с бумагой PAPERKRAFT, МОДУЛЬНОЕ ОРИГАМИ, приходите к нам в выходные дни в 16.00 часов. Ждем всех желающих!    


Подробнее...
0123456789101112


Тұлғалар

Айтұлы Несіпбек
1950 жылы 22 қыркүйекте Шығыс Түркістанның Тарбағатай аймағы, Шәуешек ауданына қарасты Теректі ауылының Апиынды бұлақ деген жерінде туған. 1962 жылы ата-анасымен атамекенге оралып, орта мектепті бұрынғы Семей облысы, Шұбартау ауданы, Баршатас ауылында бітірген. Орта мектепті бітіргеннен кейін Шұбартау аудандық «Жаңа өмір» газетінде еңбек еткен. ҚазМУ-ін бітірген соң, «Балдырған» журналында бөлім меңгерушісі, «Жалын» баспасында редактор, Жазушылар одағында әдеби кеңесші болған. «Қазақ әдебиеті» газеті, «Жұлдыз» журналында қызмет еткен. Бүгінде «Алтын тамыр» журналының бас редакторы. Балаларға арналған «Балабақшаға барар жолда», «Желкілдеп өскен құрақтай», «Күміс күйме», «Қартаймайды күн неге» атты жыр жинақтары мен «Көз жасым», «Бөрітостаған», «Құланойнақ» атты кітаптары жарық көрген.

Алшынбаев Тұрдыбек
1936 жылы 25 сәуірде Шәуешек қаласында (ҚХР) туған. Шыңжаң мұғалімдер институтын бітіріп, осы қалада ұстаз болған. Туған елге оралған соң, Семей қала-сында жұмысшы, 1965-1988 жылдары "Жаңа өмір", "Қазақстан пионері" басылымдарында, "Жалын" баспасында, "Біздің Отан" газетінде қызмет еткен. Қазір шығармашылық жүмыста. "Өткел" (1977), "Жалбыз иісі" (1980), "Асу да асу бел еді" (1987) кітаптары жарық көрді.
Әбдірайым Толымбек
Қысқаша өмірбаяны: Әбдірайым Толымбек 1955 жылы 12 қыркүйекте Семей облысының Аякөз қаласында туған. Орта мектепті бітірген соң автомобиль жөндеу зауытында, Б. Майлин ауылдың кеңесінде, Шұбартау, Талғар аудандық, Алматы облыстық "Жетісу", республикалық "Қазақ әдебиеті" газеттерінде, Көкшетау теле-радиокомитетінде еңбек еткен. 1991 жылы "ҚазМУ-тін тәмамдаған, 1988 жылы "Елегізу" атты әңгімесі "Арман қанатында" жинағына енген.
Шығармалары: "Еркешора" (1996), "Мақтаншақ сары сағат" (2001), "Ине мен жіп" (2001) т.б.


Динисламов Фатих
(1917-1965)
Балаларға бақыт сыйлаған Фатих аталарың Семей облысы, Абай ауданы, Қарауыл деген мекенде дүниеге келген. Он алты жасында орталау мектепті бітіріп, Қызылорда қаласындағы теміржол газетінде әдеби қызметкер болып істейді. Осы қалада кеңес сауда техникумын бітіріп, Алматыдағы журналистика институтында оқиды. Көптеген өлеңдер, әңгімелер мен повестер жазды.
А.С.Пушкиннің "Ұлы Петрдің Арабы", "Пугачеваның тарихы" прозаларын, А. П. Чеховтың, А. Н. Островскийдің, А. М. Горькийдің, С. Маршактың шығармаларын қазақ тіліне аударды.
Фатих Динисламов аталарың нағыз шығармашылық шағында, 46 жасында дүние салды.
Шығармалары: "Намыс" (1944), "Семсер" (1948), "Сырлы көл" (1950), "Өнербек" (1953), "Ұшқын" (1954), "Күшік пен мысық" (1959), "Әңгімелер" (1960), "Қайсысын қалайсың?" (1961), "Аю мен бала" (1963), "Әбілхан Қастеев" (1964), "Қоқиланған қораз" (1965), "Көл жағасында" (1966).

Кемелбаева Айгүл
1965 жылы 21 наурызда Шығыс Қазақстан облысы, Абай ауданы, Құндызды ауылында туған. 1984-1987 жж. ҚазМУ-нің журналистика факультетінде оқып, 1989-1994 жж. Мәскеудегі М.Горький атындағы Әдебиет институтының негізгі бөлімін бітірді.
Республикалық «Абай» журналының ғылыми қызметкері. «Жетінші құрылыққа саяхат» атты балаларға арналған повесть және «Тобылғы сай» атты әңгімелер жинағының авторы. Республикалық баспасөзде 40 шақты әдеби-зерттеу мақалалары жарияланған.
1983 жылы «Жалын» баспасының республикалық жабық конкурсында балалар әдебиетіне арналған ІІ жүлдені, 1997 жылы М.Әуезовтың 100 жылдық мерейтойы құрметіне жарияланған шығармашылық конкурста ІІІ орынды иеленді. Жастар одағы мен Журналистер одағының Баубек Бұлқышев атындағы сыйлығының лауреаты (1998). Сорос-Қазақстан-Дебют конкурсының лауреаты. Сорос Қазақстан қорының «Қазіргі заманғы қазақстандық роман» атты конкурсының жеңімпазы (2000).

Кенжеғұлова Нарбин.
1948 жылы 26 қаңтарында Шығыс Қазақстан облысының Үржар ауданы, Алексеевка ауылында туған. 1974 жылы ҚазМУ-нің журналистика факультетін тамамдаған. Жазушылылар одағында көркем аударма және әдеби байланыстар алқасында бөлім меңгерушісі (1989-1994) болып қызмет істеді. 1994 жылдан бері қарай Әл-Фараби атындағы ҚазМУ-нің журналистика факультетінде ұстаздық қызметте. Филология ғылымының кандидаты.
Шығармаларын қазақ және орыс тілдерінде жазады. Фантастикалық шығармалары бойынша «Білім және еңбек» (қазіргі «Зерде») журналының 1978 жылғы жүлдегері, фантаст-жазушылардың 1987 жылғы Бүкілодақтық кеңесіне  (Юрмала, Дубылты) қатысушы. Көркем аудармамен де шұғылданады. Бірқатар қазақ жазушыларының шығармаларын орыс тіліне аударған. «Мойылқара», «Қиын шешім», «Жерұйыққа саяхат», «Қызыл сәуле» т.б. фантастикалық шығармалар жинақтарында әңгіме-повестері жарияланған. Кейінгі жылдары «Дорогу осилит идущий» ғұмырнамалық хикаяты, Т.Айтбайұлынан тәржімалаған «Тысяча одна ночь и тысяча один день» романы жарық көрді.

Қайран Әбубәкір
1958 жылы 28 ақпанда Шығыс Қазақстан облысы, Тарбағатай ауданында (бұрынғы Семей облысы, Ақсуат ауданы, Ақсуат ауылында) дүниеге келген. 1981 жылы Семей педагогикалық институтының тіл-әдебиет факультетін үздік бітіріп, Алматы облысының Күрті ауданында екі жыл мұғалім болған. 1983-1985 жж. республикалық «Балдырған» журналында поэзия бөлімінің меңгерушісі, бұдан кейінгі уақыттарда «Жалын» баспасында редактор, «Қазақстан мектебі» журналында бөлім меңгерушісі және «Қазақ әдебиеті» газетінде бөлім меңгерушісі болып қызмет атқарды. Қазір халықаралық «Дала» журналында бас редактордың орынбасары.
1980 жылы «бастау» сериясымен тұңғыш кітабы жарық көрді. Одан кейінгі уақыттарда «Ақ сәуле», «Мазасыз әлем» және балаларға арналған ұжымдық жинақтарда өлеңдері жарық көрген. Оның өлеңдері мерзімдік баспасөз беттерінде үздіксіз жарияланып келеді.
1933 жылы ҚХР-дың Алтай аймағының Көктоғай деген жерінде туған. 1955 жылы Монғолияда мұғалімдер даярлайтын мектепті бітірген. Содан бері мектептерде ұстаздық еткен. 1992-1994 жылдары Шығыс Қазақстан облысы, Абыралы ауданындағы С.Бегалин атындағы мектепте мұғалім болған. 1959 жылдан бері өлең жазады. «Қызыл ту», «Кәрібоз», «Таудай болғым келеді», «Қос қанат» деген кітаптары жарық көрген.

Мұқанова Роза
1964 жылы 14 қазанда Шығыс Қазақстан облысы, Үржар ауданы, Көлденең ауылында дүниеге келген. 1987 жылы ҚазМУ-нің журналистика факультетін тамамдады. 1987 жылы Орталық мұражайдың Әдебиет және өнер бөлімінде қызмет жасады. 1989 жылы Қазақстан Жазушылар одағының Аударма коллегиясында аға редактор болды. Қазір ҚР Ақпарат министрлігінде жауапты қызметкер.
«Жарық дүние» (1994), «Дүние кезек» (1997) әңгімелер жинағы, «Құдірет-Кие» (2000) әңгімелері мен драмалық хикаяттары жарық көрді. 2001 жылы Рабғұзидің «Қисса-сүл-Әнбий-я» кітабын алғаш рет қазақ тіліне тәржімалады.
1996 жылы Қазақтың мемлекеттік М.Әуезов атындағы академиялық драма театрында «Мәңгілік бала бейне» пьесасы қойылды. 1997 жылы Ғ.Мүсірепов атындағы мемлекеттік академиялық  жастар мен балалар театрында М.Әуезовтің «Қаралы сұлу» әңгімесінің желісінде драмалық қойылымы сахналанды.
2001 жылы Ш.Айманов атындағы «Қазақфильм» киностудиясы «Қыз жылаған» әңгімесінің желісімен кино түсірді.
Қазақстан Жастар одағы сыйлығының, «Жалын» журналының Т.Айбергенов атындағы сыйлығының (1989), Халықаралық «Алаш» әдеби сыйлығының (2002, «Құдірет-Кие») лауреаты.

Кашляк Виктор Николаевич (1951ж.), өлке танушы.
Виктор Николаевич Кашляк 1951 жылы Солтүстік Қазақстан облысы Петропавловск қаласында туған.Білімі -жоғары.
Жас кезінен бастап, Ертіс өңірінің Семей тарихымен әуестенген. Мәскеу, Омск, Алматы, Семей қалаларының мұрағаттарында зерттеу жұмыстарын жүргізу нәтижесінде 70-тен астам тарихи тақырыптағы мақалалар жазды.
Ол мақалалары Қазақстан Республикасы ғылыми мерзімді басылымдар бетінде жарық көрді.
2003 жылы Омск, Тюмень, Тобольск мұрағаттарындағы "Семей қаласындағы діни құрылыстарының тарихы" тақырыбындағы құжаттармен жұмыс істеді. Қала тарихы туралы ауқымды материалдар жинақтаған.
Алғашқы мақаласы 1965 жылы 21 февральдағы жергілікті "Иртыш" газетінде "Өлкетану материалдарын жинақтайық" деген атпен жарық көрген. XVIII-XIX ғасырлар аралығын қызыға зерттеген.
1998 жылы И.Г.Андреевтің "Қырғыз -қайсақтардың Орта жүз жазбалары" (Алматы, Ғылым; 1998ж.) атты кітабын құрастыруға қатысқан.
1999 жылы автордың "Семей көшелерінің шежіресі" атты кітабы шықты.
1999 жылы Семей қаласындағы "А.фон Гумбольдтың Ресейдегі жүріп өткен жолдары" атты экспедицияның жол көрсетушісі болды. Осы тақырып бойынша дайындаған мақаласы Қазақстан Республикасы ғылыми жинақтардың бірінде жарық көрді. .
2001 жылы фотосуретші В.Павлунин және дизайнер И.Рябухинмен бірлесе отырып, "Семей" атты мерекелік открыткалар жинағын шығарды, сол жылы "Семейдегі Воскресенск Соборы" атты буклет баспадан шықты.
2002 жылы қала тарихына арналған "Семей. Үш ғасыр тарихы" атты өзінің мақалалар жинағын басып шығарды.
Қазіргі уақытта автордың "Семей храмдары: өткені мен бүгіні" атты 612 беттен тұратын кітабы баспаға дайындалуда.
Электронды пошта бойынша хат жазып хабарласуға болады: e-mail: Бұл e-mail спам-боттардан қорғалған, оны қарау үшін Сізде Javascript қосулы болуы керек

 

Twitter

Instagram

Facebook

Youtube

Одноклассники

Instagram

Рухани жаңғыру

Сұраңыз, жауап береміз!

Бізді санайды

Рейтинг@Mail.ru Яндекс.Метрика

Материалдарды қолдану

Сайт материалдарын баспа, электронды немесе басқа түрде қолдануға тек www.kitaphana.kz сайтына сілтеме болғанда ғана рұқсат етіледі.

Серіктестік бағдарлама

Барлық кітапханалар мен өзге мекемелерді сілтемелермен алмасу және біздің мекемелер каталогына тіркелу мақсатында іскерлік бағдарлама мүшелігіне шақырамыз.

Сайттағы жарнама

Сайт бетінде жарнама орналастыру бойынша
+7(7232)25-03-64 телефоны және ukcbs@mail.ru
арқылы хабарласуға болады.