1. Skip to Menu
  2. Skip to Content
  3. Skip to Footer>
Image 1

Назар аудар

  • Previous
  • Next
  • Stop
  • Play

Науқан

 

«Бір ел – бір кітап» акциясы


 

Акция тарихы

Қазақстандық «Бір ел – бір кітап» жобасының идеясы АҚШ-та өте танымал болған «Бір кітап, бір Чикаго» және «Егер Сиэтлдің бүкіл тұрғыны бір кітапты оқыса» деген кітапханалық жобаларына негізделген. Шартқа сәйкес бүкіл қала тұрғындары бір мезгілде бір шығарманы оқуға тиіс.
Бір кітапты жалпы қала болып оқу идеясы АҚШ-тың солтүстік-батысындағы ірі қала Вашингтон штатына қарасты – Сиэтл көпшілік кітапханасының кітап орталығы тарапынан ұсынылған. 1998 жылы «Егер Сиэтлдің бүкіл тұрғыны бір кітапты оқыса» тақырыбымен алғаш өткізілген акцияның мақсаты – Сиэтл халқының бірлігін нығайту және оларға оқуды насихаттау. Бұдан соң осыған ұқсас мәдени шаралар Чикаго, Буффало, Рочестер қалаларында да ұйымдастырылды.
«Бір кітап, бір Чикаго» (One book, one Chicago) бағдарламасы Чикаго жұртшылығына белсенді ықпал ету арқылы Чикаго көпшілік кітапханасында басталды. Оның негізгі мақсаты қаланың ересек тұрғындары мен жастарын бір кітапты бір уақытта оқуға және оны ұжым болып - отбасында, жұмыста жолдастары мен таныстары арасында, кітапханаларда, оқу мекемелерінде, кітап дүкендерінде, діни ұйымдарда, кафелерде және басқа да қоғамдық орындарда талқылауға ынталандыру болып табылады. Бұл - қаланың кенеттен кітапсүйерлер клубына тән өзгерістермен құбылатын күні.
2000 жылдың қазан айында Чикаго қаласында «Чикагода кітаптар апталығы: Оқуға құмар қала» тақырыбымен тұңғыш рет қалалық фестиваль өтті. Осы фестиваль аясында қоғамдық талқылаумен және авторлар баяндамаларымен бірге кітап тұсаукесерлері, сондай-ақ семинар, экскурсия секілді басқа да шаралар ұйымдастырылды. 7 апта бойы Чикагоның он мыңдаған халқына ауқымды іс жүргізіліп болған соң, Пулитцеров сыйлығына лайық деп танылған американ жазушысы Харпер Лидің (1926 ж.) «Убить пересмешника» (1960 ж.) атты романы талқылауға түсті. Кітап авторы бүкіл әлем мен осы замандық Чикаго үшін өзекті болған толеранттық және нәсілшілдік сияқты маңызды мәселелерді алға тартады.
Бүгінде «Бір ел – бір кітап» жобасының идеясы әлемдегі көптеген елдерге кең тараған (Испания, Латын Америкасы елдері және Корея т.б.). «Сто лет одиночества» романының авторы Габриэль Гарсиа Маркестің 80 жылдығына арнап Испанияда оқу марафоны өткен еді. Қалаушылар романды бірнеше күн бойы үздіксіз дауыстап оқыды. Осы марафонды Испания Үкіметі басшысының орынбасары Мария-Тереса Фернандес де ла Вега ашты. Бұдан дәл 40 жыл бұрын жарыққа шыққан романды 7 бетке сыйғызып айту үшін әрбір қатысушыға 15 минуттан уақыт бөлінді.
2003 жылы Кореяда бірлесе оқуға негізінен балалар кітабы таңдалды. Бұл жоба одан кейін «Бір кітапхана – бір кітап», «Бір ауыл – бір кітап» деген жобалар түрінде көрініс тапты.
«Жаппай оқу оқиғасы» жыл сайын Англияның оңтүстік-батысындағы тұрғындарды күйзелтуде. Бұл аталған облыстың барша халқы әр жылдың қаңтарынан наурыз айына дейін бір кітап оқуды қолға ала бастады. 2006 жылы олар Жюля Вернаның «Вокруг света за 80 дней» атты кітабын оқыды.
Қазақстан Республикасының «Бір ел – бір кітап» акциясы
Қазақстанда республикалық «Бір ел – бір кітап» акциясы ҚР Ұлттық академиялық кітапханасы 2007 жылдан бастап өткізіліп келеді. Акцияның мақсаты – ұлттық әдебиетіміздегі ең үздік деген туындыны оқу және насихаттау, оқу ісін ілгерілету, рухани мұрамызды сақтау, сондай-ақ жастарды отаншылдыққа әрі өнегелілікке тәрбиелеу. Сонымен қатар, акция қоғамның отандық әдебиетке, оның ішінде классикаға, қазіргі әдебиет пен поэзияға деген қызығушылығын әрі қарай жоғарылатуына мүмкіндік туғызады.

«Бір ел – бір кітап» – 2017

Жыл кітабы – Сұлтанмахмұт Торайғыровтың шығармалары

Абайдан кейінгі қазақтың жазба әдебиетінде әр жанрда еңбек етіп, ерекше көзге түскен көрнекті ақындарының бірі Сұлтанмахмұт Торайғыров болды. Ол 1893 жылдың 28 қазанында Көкшетау облысының Қызылту ауданында туған. Оның әкесі Шоқпыт (шын аты Әбубәкір) атанған кедей, момын шаруа адамы болған.Шоқпытта екі баласы болған: Байқоңыр, Сұлтанмахмұт. Сұлтанмахмұттың екі жасында шешесі өліп, жетімдікті көріп өседі. Әкесі әйелі өлген соң балаларын алып, өзінің туған жері Павлодар облысының Баянауыл ауданына көшеді. Ақынның балалық шағы Баянауылда өтеді. Алғашқыда ол Әлі, Тортай, Мұқан деген ауыл молдаларында оқиды. 1908 жылы Сұлтанмахмұт Баянауылдағы Әбдірахман деген молданың медресесіне түсіп, одан 2-3 жыл сабақ алады. Молданың ұрып – соғуына шыдай алмай, ол оқуды тастап кетеді. Молданың қаталдығын, надандығын сықақ етіп өлең шығарады. Ол 1911 жылы бір қыс бойы Нұрғали Бекбауов деген мұғалімнен оқиды. Нұрғали жаңаша оқыған, көзі ашық, сауатты мұғалім болған. Оның көмегімен Сұлтанмахмұт қазақ, татар тілдерінде шыққан әдеби кітаптарды, газет – журналдарды оқуға дағдыланады. Өзінің білімінің саяздығын сезген Сұлтанмахмұт 1912 жылы Троицк қаласына барып, Ахун Рахманқұли деген татардың медресесінде оқуға түседі. Бірақ тұрмыс жағдайының ауырлығынан мұнда ұзақ оқи алмайды. Қаржының тапшылығынан көп қиыншылық көріп, ауруға шалдығады. Жаз шыға Троицк маңындағы бір ауылға бала оқытуға кетеді. Ондағы ойы бала оқыта жүріп, денсаулығын түзеп, қаржы жинап, қайта оқуға келу болады. Ол бала оқытудан бос уақытында, өз бетімен оқумен шұғылданады, өлеңдер жазады. Сұлтанмахмұт Торайғыров қазақтың ұлы ақыны Абайға да мінездеме беріп, оны қазақ әдебиетінің өкілдерінің бәрінен ерекше, дара тұлға деп бағалайды. Ол аз өмірінің ішінде (небәрі 27 жас жасаған) әлденеше лирикалық өлең, ондаған мақала, екі роман, 5-6 поэма жаңа сатыға көтерген, Абайдан кейінгі ірі суреткер, реалист ақын болып табылады.

ҚЭЖ

Құжаттарды электронды жеткізу

Шағын

  • Орталық калалық кiтапхана демалыссыз жұмыс iстейдi - .
  • Қалалық орталық кітапханада Wi-Fi-ға қосылуға мүмкіндік бар! -

     

     



Хош келдіңіздер!

Біз Сіздерді Өскемен қаласы әкімдігінің «Оралхан Бөкей атындағы орталықтандырылған кітапханалар жүйесі» КММ сайтында қарсы алғанымызға қуаныштымыз!
Қазіргі уақытта біздің кітапханамыз аймақтағы басты кітап сақтау орыны. Сонымен қатар, ақпараттық, ғылыми-зерттеу, әдістемелік және өлкетану жұмыстарының көп салалы орталығы. Өз оқырмандарымызбен бірге барлық қашықтағы пайдаланушыларға біздің сайт әрқашанда ашық.
Сіздерді өзара  қарым-қатынаста, ынтымақтаса қызмет етуге  шақырамыз!



«Кто много читает - тот много знает»

27 Тамыз 2014

«Кто много читает - тот много знает»

26-тамызда №6 кітапхана-бөлімшесінде (Островский, 6) «Кім көп оқыса - сол көп біледі» атты «Үздік оқырмандар күні» өтті. «2014 жылдың ең үздік оқырманы», «Ұлы кітап жолы» сайыстары қорытындыланды.

 

Подробней...



«Ана тілім - ажарым, асыл мұрам»

25 Тамыз 2014

22 қыркүйек - ҚР халықтарының тілдері күніне арналған «Ана тілім - ажарым, асыл мұрам» атты жас ақындардың поэзия кешіне шақырамыз!


Поэзия кеші 2014 жылы 12 қыркүйек күні сағат 14.00 де Орталық қалалық кітапхананың әдеби қонақжай бөлмесінде өтеді.
Шараны ұйымдастырушылар: Өскемен қаласының мәдениет және тілдерді дамыту бөлімі, Қалалық орталық кітапхана. 
Поэзия кешіне Орталық қалалық кітапханада құрылған «Шабыт» ақындар мектебінің 15-25 жас аралығындағы оқушылары мен қаладағы оқу орындарының студенттері қатысады. Шара қазақ тілінде өтеді.

Подробней...



«Туған өлкемнің көшелері»

25 Тамыз 2014

«Туған өлкемнің көшелері»

23 тамызда  №5 кітапхана-бөлімшесінде  (Севастополь  көшесі,16/1) жаздық оқу бағдарламасы бойынша ықшам аудан балаларымен «Туған өлкемнің көшелері»  атты ойын – әңгіме өтті.  Балаларға «Туған өлкемнің көшелері» атты слайд - презентация көрсетіліп, онда қаламыздың көшелері және олардың қонақжайлылығы көрсетілді. Кітапханашы қаламыздағы көшелердің атауларының шығу тарихы туралы қызықты  мәліметтер беріп, есімдері қаланың көшелеріне берілген батырлар жөнінде айтып өтті. Балалар өздерінің шағын Отанына деген алғыс сезімдерін тақпақтар мен өлеңдер арқылы білдірді. Қатысушылар слайдтан қаланың көшелері мен ескерткіштерін тез танып, олардың қай жерлерде орналасқанын және кімдердің есімдерімен аталғаны жөнінде әңгімелеп берді. Осындай елін, жерін сүйетін жас ұрпақ өсіп келе жатқанына біз өте қуаныштымыз.



«Загадочные места Казахстана»

25 Тамыз 2014

«Загадочные места Казахстана»

22-тамыз күні Аблакетка микрорайонының балалары «таңғажайып өлкетану» циклі бойынша №6 кітапхана-бөлімшесінде (Островский, 8) «Қазақстанның құпия жерлері» атты  виртуалды тарих көшіне келді.  Бұл шара біздің еліміздің құпияға толы таңғажайып жерлеріне арналды.

Подробней...



«Волшебные сказы гор»

25 Тамыз 2014

«Волшебные сказы гор»

2014 жылдың 20 тамызында Орталық балалар кітапханасында (М. Горький, 54) «Волшебные сказы гор» атты танымдық ойын өтті. Шараның қатысушылары психологиялық «СемьЯ» студиясы жазғы лагерінің  балалары болды. 135 жылдық мерейтой иесі туралы әңгіме айтылып,  «Угадай произведение» атты бөлімде сұрақтарға жауап берілді. Бажов шығармаларының кейіпкерлері туралы жұмбақ шешіліп, кітаптары таныстырылды, жазушының шығармашылығы және өзі туралы мәліметтер бар бүктемелер таратылды.

Меню

Бізді санайды

Рейтинг@Mail.ru Яндекс.Метрика

Материалдарды қолдану

Сайт материалдарын баспа, электронды немесе басқа түрде қолдануға тек www.kitaphana.kz сайтына сілтеме болғанда ғана рұқсат етіледі.

Серіктестік бағдарлама

Барлық кітапханалар мен өзге мекемелерді сілтемелермен алмасу және біздің мекемелер каталогына тіркелу мақсатында іскерлік бағдарлама мүшелігіне шақырамыз.

Сайттағы жарнама

Сайт бетінде, сонымен қатар біздің "Мереке - Праздник для всех" газетіне жарнама орналастыру бойынша мына телефон арқылы +7 7232 25-03-64 және ukcbs@mail.ru хабарласуға болады.