1. Skip to Menu
  2. Skip to Content
  3. Skip to Footer>
0123456789101112

Хош келдіңіздер!

Біз Сіздерді Өскемен қаласы әкімдігінің «Оралхан Бөкей атындағы орталықтандырылған кітапханалар жүйесі» КММ сайтында қарсы алғанымызға қуаныштымыз! Қазіргі уақытта біздің кітапханамыз аймақтағы басты кітап сақтау орыны. Сонымен қатар, ақпараттық, ғылыми-зерттеу, әдістемелік және өлкетану жұмыстарының көп салалы орталығы. Өз оқырмандарымызбен бірге барлық қашықтағы пайдаланушыларға біздің сайт әрқашанда ашық. 
Сіздерді өзара қарым-қатынаста, ынтымақтаса қызмет етуге  шақырамыз!




«Айбары асқақ – Ата заң»

«Айбары  асқақ – Ата заң»

2014 жылдың 20 тамызы күні №2 кітапхана-бөлімшесінде (Гагарин бульвары, 24) Қазақстан Республикасының Конституция күніне орай  «Айбары асқақ – Ата заң» атты зияткерлік ойын болып өтті. Мақсаты: Оқушылардың Ата заңымыз туралы түсініктерін кеңейту.  Шара барысында оқушылар екі топқа бөлінді. Зияткерлік ойын 3 сайыстан тұрды. «Бәйге»  деп  аталатын сайыста қойылған сұрақтарға   жылдам, тез жауап   беру керек болды. «Жорға»  сайысында экранда көрсетілген категориялар бойынша ұяшықтардың  артындағы     сұрақтарға жауап берді. «Сөз тапқанға қолқа жоқ» сайысында  екі топ басшылары шешендік өнерлерін ортаға салды. Шара соңында белсенді қатысқан ойыншыларға сыйлықтар таратылды.



«Менің атым - Қожа»

«Менің атым - Қожа»

20 тамызда  №4 кітапхана-бөлімшесінде  (Металлургтер көшесі,13)  балалар жазушысы Бердібек Соқпақбаевтың туғанына 90 жыл толуына орай «Менің атым – Қожа» атты әдеби викторина түріндегі шара өтті. «Атамекен» балалар клубының  балалары шараға  қатысты. Кездесу  басында кітапханашы мерейтой иесінің өмірбаяны жайлы айтты, одан соң шығармаларынан құрастырылған викторина өткізілді. Шараның соңын  жазушының өмірі мен шығармашылығына  арналған слайд-презентация аяқтады.



«Оқимыз да ойнаймыз»

«Оқимыз да ойнаймыз»

16 тамыз күні №6 кітапхана-бөлімшесінде (Островский, 8) «Оқимыз да ойнаймыз» атты ойын шара өткізілді. Кіші жастағы мектеп оқушыларына кітапханашымен бірге «Пиротология» кітабы оқылды. Балалар 1720 жылдардағы қарақшылардың кемелері  жайлы, олардың өмірі туралы қызықты мағлұматтармен танысты. Одан әрі балалар оқулықпен бірге берілген «құрастыру» ойынымен танысты. Бұл жерде олар шағын кеменің үлгісін жасады. Кемені құру қиын болса да бірлесіп жұмыс жасағандықтан қызықты болды.



«Отаным Казақстан»

«Отаным Казақстан»

13 тамыз күні №6 кітапхана-бөлімшесінде (Островский, 8) Аблакетка микрорайонының оқырмандарына «Отаным Казақстан»  тақырыбына арналған  «Сүйем сені, туған елім!»  атты шара өткізілді. Шара  Қазақстан тақырыбына арналған кітап көрмесімен басталды. Шараның мақсаты: оқырмандардың Қазақстан жайлы білетін мағлұматтарын кеңейту, жаңа ақпарат беру.



«Шығысым шырайлы шаһарым»

«Шығысым шырайлы шаһарым»

«Шығысым - шырайлы шаһарым»  атты виртуалды ойын-саяхат 11 тамыз күні Орталық балалар кітапханасында өтті (М. Горького, 54). Қатысушылар шын ниеттерімен берілген сұрақтарға жауап беріп отырды. Оқырмандарға Шығыс Қазақстан табиғаты, тарихы, мәдениеті туралы сұрақтар мен фото-видеомәліметтер ұсынылды. Кітапхана ұжымы балалардың қызығушылықтарын арттыра отырып, өз еліне деген сүйіспеншілікке, елжандылыққа, патриоттыққа тәрбиеледі.



«Мен білетін және мен тұратын қала» сайысы өтті

«Мен білетін және мен тұратын қала» сайысы өтті

2014 жылдың 9 тамызы күні Орталық балалар кітапханасында (М. Горький, 54)  «Мен білетін және мен тұратын қала» атты сайыс өтті. Балалар Өскемен тарихындағы маңызды кезеңдерді тағы да бір еске алып, сүйікті қаламыздың белгілі жерлері мен атақты адамдары, қала рәміздеріне қатысты тапсырмалар орындады.



«Кітапты оқып-әлемді таны!»

«Кітапты оқып-әлемді таны!»

№11 кітапхана- бөлімшесінде  (Косарева, 34) 12  тамыз күні «Кітапты оқып-әлемді таны!», «Книги читай -  мир открывай!» акциясы ұйымдастырылды. Бұл акцияның негізгі мақсаты барша адамдарды кітап оқуға тарту, өйткені, қазіргі заманда адамдар әлеуметтік желілерді жоғары бағалауда. Акцияға кітапхана оқырмандары мен  кітапхана қызметкерлері қатысты. Защита шағын ауданы саябағына  дейін,  көрнекті және әсерлі шеру өткізілді. Балалар  біздің сүйікті саябағымызға барғанды ұнатады, сондықтан біз, мұндай акцияларды жиі өткіземіз. Көтеріңкі көңіл-күймен саябақты аралап, өтушілерге  жарнама, бүктеме қағаздарын  тараттық.



«Абайым - ақындықтың пайғамбары»

«Абайым - ақындықтың пайғамбары»

«Өлді деуге сыя ма, ойлаңдаршы, Өлмейтұғын артына сөз қалдырған» деп төрелігін өзі шешкен, артында өшпес мұра қалдырған, қазақтың  ұлы ақыны, ойшыл, философ  Абай Құнанбайұлының  өмірден өткеніне 110 жыл толуына  орай 12 шілде күні №11 кітапхана-бөлімшесінде (Косарева, 34) «Абайым - ақындықтың пайғамбары» атты ақынның шығармаларына әдеби-саяхат ұйымдастырылды. Абайдың шығармашылық мұрасы - халқымыздың ғасырлар бойы маңызын жоймайтын рухани қазынасы. Іс-шараның  барысында кітапханашы слайд арқылы Абайдың өмір жолы мен шығармалары жайлы айтып өтті. Балалар Абай өлеңдерін жатқа айтып, «Желсіз түнде жарық ай», «Көзімнің қарасы» әндерін орындап сонымен қатар  «Қара сөздерін» мәнерлеп оқып, Абай шығармашылығына  байланысты сұрақтарға белсене жауап берді. Шара соңында «Ұлы Абай – нар тұлға» атты кітап көрмесіне шолу жасалды. Көрмеге  ақынның өмірі мен шығармашылығы туралы кітаптар қойылды.

Twitter

Instagram

Facebook

Youtube

Одноклассники

Instagram

Сұраңыз, жауап береміз!

Рухани жаңғыру

Оқырмандар қоржынынан

Серіктестер

Оператор 'Виртуальной справки'

Бізді санайды

Рейтинг@Mail.ru Яндекс.Метрика

Материалдарды қолдану

Сайт материалдарын баспа, электронды немесе басқа түрде қолдануға тек www.kitaphana.kz сайтына сілтеме болғанда ғана рұқсат етіледі.

Серіктестік бағдарлама

Барлық кітапханалар мен өзге мекемелерді сілтемелермен алмасу және біздің мекемелер каталогына тіркелу мақсатында іскерлік бағдарлама мүшелігіне шақырамыз.

Сайттағы жарнама

Сайт бетінде жарнама орналастыру бойынша
+7(7232)25-03-64 телефоны және ukcbs@mail.ru
арқылы хабарласуға болады.